பித்திகம் (பிச்சிப்பூ)

 

இரவில் மலரும் இனியமலர்! பூக்கப்
பரப்பும் மனம்நம்மைப் பற்றும்! - சரஞ்சரமாய்க்
கட்டிய பித்திகத்தைக் கன்னியருஞ் சூடுவர்!
ஒட்டிடும் ஊடல் ஒழித்து!
.
பாவலர் அருணா செல்வம்
08.02.2022

சண்பகப் பூ ! (பித்திகம்)

 

சண்பகப்பூ வாசம் சளையா துறங்கவைக்கும்!
கண்நோய் தலைநோய் களைப்போக்கும்! - பெண்களின்
உள்ளுறுப்பைச் சீராக்கும்! ஊறிய நீர்குடிக்கக்
கொள்ளைநோய் யோடுங் குலைந்து!
.
பாவலர் அருணா செல்வம்
21.01.2022