மெலி அகவல் ஏந்திசை வண்ணம், வண்ணம் - 24, முருக வண்ணம்,

வலி அகவல் ஏந்திசை வண்ணம், வண்ணம் - 23, முருக வண்ணம்,

முருகன் வண்ணம் - 70, இடை ஒழுகல் பிரிந்திசை வண்ணம்,

முருகன் வண்ணம் - 76, குறில் மெல்லிசைப் பிரிந்திசை வண்ணம்,

முருக வண்ணம் - 68, (வலி ஒழுகல் பிரிந்திசை வண்ணம்),

முருகன் வண்ணம் - 73, வலி வல்லிசைப் பிரிந்திசை வண்ணம்,

முருகன் வண்ணம் - 71, குறில் வல்லிசைப் பிரிந்திசை வண்ணம்

முருகன் வண்ணம் - 66, (குறில் ஒழுகல் பிரிந்திசை வண்ணம்)

நிலம்வாழ அருள்வாயே!

(வண்ணப் பாடல் – 2)

.

தனன தான தனதான

தனன தான தனதான

தனன தான தனதான தனதானா (அரையடிக்கு)

.

விலையி லாத பொருளோடு

  குறையி லாத திருவோடு

    வினையி லாத அழகான பெருமாளே!

விரசி லாத மொழியோடு

  பிழையி லாத அணியோடு

    வெருவி லாத மலைவாழும் பெருவேலே!

.

மலைக ளோடு நிறைந்தாடி

  இணையி லாது கலந்தாடி

    மனதி னோடு வளமான தமிழாலே

மரபி னோடு விளையாடி

  இனிய தான கருவோடு

    வழுவி லாத கவிபாடி விழைவேனே!

.

நிலையி லாத உயிரோடு

  நிறைவி லாத வகையோடு

    கிருமி வாழு முலகான நிலையேனோ?

நிழலி லாத அளவோடு

  சுமையி லாத முடியோடு

    நெருட லான உயிரோட வருவாயோ!

.

அலையி லாத கடலேது?

  அடரி லாத இருளேது?

    அரிது வான பதிலேது வடிவேலா!

அகம மாக அதையோதி

  வதையி லாத வழியேகி

    அளவி லாத நிலம்வாழ அருள்வாயே!

.

பாவலர் அருணா செல்வம்

22.04.2020