Tuesday, 17 July 2012

மறக்க முடியும்...!! (கவிதை)





மண்வேண்டிப் புரட்சிசெய்த பாரதியின் வீர
    மணிக்கவியை நான்மறந்து விடமுடியும் என்றால்
பண்ணிற்கே பாபடைத்த பாவேந்தர் வண்ணப்
    பாக்களையும் நான்மறந்து விடமுடியும் என்றால்
கண்போன்ற கருத்தொளிரும் கண்ணதாசன் காதல்
    கவிகளையும் நான்மறந்து விடமுடியும் என்றால்
பெண்விழியால் கவிபடைக்க வழிநடத்தும் பேதைப்
    பெண்ணுன்னை நான்மறந்து விடமுடியும் என்பேன்!!