புதன், 4 ஜூலை, 2012

அன்னை என்றதும்...!!! (கவிதை)



அன்னை என்றதும்
   ஆவியைத் தொடுதே
      அதிசயம் என்னவது?
தன்னில் வைத்துநல்
   தரணியில் காத்திடும்
      தன்னலம் அற்றதது!
உன்னில் உள்ளதும்
   என்னில் உள்ளதும்
      உலகினில் உயர்ந்தது!
இன்னல் போக்கிநல்
   இனிமையை ஊட்டிடும்
      இன்பத்தின் எல்லையது!

மண்ணில் வாழ்ந்திடும்
   மாபெரும் தெய்வமாய்
      மனதினில் நிற்பதது!
விண்ணில் பொழிந்திடும்
   விளைநிலம் குளிர்ந்திட
      விளைத்திடும் அமிழ்தமது!
பெண்ணில் உயர்வென
   பெற்றநற் பேற்றினால்
      பேதமை அற்றதது!
கண்ணில் உள்ளநல்
   கருவிழி ஒளியினைக்
      காத்திடும் இமையதுவே!

முன்னை தெய்வங்கள்
   முன்னே இருந்ததென
      மூத்தோர் முழங்கினரே!
அன்றும் கண்டதில்லை!
   இன்றும் கண்டதில்லை!
      இன்னும் தேடுகின்றோம்!
அன்னை உள்ளத்தின்
   அருளைக் கண்டபின்னே
      அன்பெனும் தெய்வமெலாம்
முன்னே தெரிந்தது
   மூத்தோர் சொன்னநல்
      முப்பெருந் தேவிகளாய்!!!

     

22 கருத்துகள்:

செய்தாலி சொன்னது…

தமிழும்
கவிதையும்
தாய்மையும் ம்ம்ம்... அருமை சகோ

கவிதை வீதி... // சௌந்தர் // சொன்னது…

அழகிய கவிதை...

valaiyakam சொன்னது…

வணக்கம் உறவே
உங்களின் அருமையான இடுகையை இன்னும் பல பார்வையாளர்கள் படிக்க இங்கே இணைக்கவும்
http://www.valaiyakam.com/

முகநூல் பயனர் கணக்கின் மூலம் வலையகத்தில் நீங்கள் எளிதில் நுழையலாம்.

5 ஓட்டுக்களை உங்கள் இடுகை பெற்றவுடன் தானியங்கியாக வலையகம் முகப்பில் உங்கள் இடுகை தோன்றும்.

உங்கள் இடுகை பிரபலமடைய எமது புதிய ஓட்டுப்பட்டையை உங்கள் தளத்தில் இணைக்கவும்:
http://www.valaiyakam.com/page.php?page=votetools

நன்றி

வலையகம்
http://www.valaiyakam.com/

சசிகலா சொன்னது…

அன்னை உள்ளத்தின்
அருளைக் கண்டபின்னே
அன்பெனும் தெய்வமெலாம்
முன்னே தெரிந்தது//
அன்னைக்கு நிகர் ஏது.

கோவி சொன்னது…

nice..

நிரஞ்சனா சொன்னது…

ஆஹா... பெற்றவளின் அருமையைப் பேசிய கவிதை சூப்பர்பா அருணா. மனசில் நின்னது.

ஆத்மா சொன்னது…

அழகாக இருக்கிறது வரிகள்

Seeni சொன்னது…

annai arputham!

theyvam athai vida melidam!

அருணா செல்வம் சொன்னது…

நன்றிங்க... அருமை அண்ணா!

அருணா செல்வம் சொன்னது…

நன்றிங்க கவிதை வீதி... சௌந்தர்.

அருணா செல்வம் சொன்னது…

நன்றிங்க வலைஞன் உறவே!

அருணா செல்வம் சொன்னது…

அன்னைக்கு நிகர் ஏது?

சசிகலா... நானும் அன்னைக்கு நிகராக
ஏதாவதைத் தேடி எழுதனும்ன்னு தான் முயற்சிக்கிறேன்.
ஆனால் கிடைக்கவில்லைப்பா....

உண்மையில் நீங்கள் சொன்னது போல்
அன்னைக்கு நிகர் உலகில் எதுவுமில்லை தாங்க.

நன்றிங்க சசிகலா.

அருணா செல்வம் சொன்னது…

நன்றிங்க கோவி சார்.

அருணா செல்வம் சொன்னது…

நிரஞ்சனா.... எனதருமை ஃபிரெண்ட்...
நீங்கள் கொஞ்ச காலமாக வலையின் பக்கம் வரவில்லை என்பது தெரியும்.
ஆனால் வந்ததும் நான் எழுதிய.. நீங்கள் படிக்காத அனைத்துப் பதிவையையும் படித்து பின்னோட்டம் இடுவீர்கள் என்று நான் கொஞ்சமும் எதிர்பார்க்கவில்லை.

உண்மையில் மிக்க சந்தோஸம்ப்பா...

நன்றிப்பா நிரஞ்சனா....

அருணா செல்வம் சொன்னது…

நன்றிங்க சிட்டுக்குருவி!

அருணா செல்வம் சொன்னது…

தங்களின் வருகைக்கு மிக்க நன்றிங்க சீனி சார்.

சத்ரியன் சொன்னது…

முன்னறி தெய்வத்திற்கு நிகரேது?

அருமை.

அருணா செல்வம் சொன்னது…

உண்மைதாங்க மனவிழி சத்ரியன்...
அன்னைக்கு நிகர் எதுவுமே இல்லைதாங்க.

தங்களின் வருகைக்கு மிக்க நன்றிங்க.

பெயரில்லா சொன்னது…

அழகிய கவிதை...

திண்டுக்கல் தனபாலன் சொன்னது…

அழகான வரிகள் ! தொடர வாழ்த்துக்கள் ! நன்றி !

அருணா செல்வம் சொன்னது…

மிக்க நன்றிங்க ரெவெரி சார்.

அருணா செல்வம் சொன்னது…

மிக்க நன்றிங்க தனபாலன் ஐயா.