Wednesday, 2 October 2013

காந்திஜியின் தமிழ்ப் பற்று!





1934 –ஆம் ஆண்டு!
   சென்னையில் நடந்த பொதுக்கூட்டம் ஒன்றில் காந்திஜியும், “தமிழ்த் தாத்தா“ என்று அழைக்கப்படும் டாக்டர் உ.வே. சாமிநாத ஐயரும் பேசினர்.
   பேசி முடித்த பின் காந்திஜி சாமிநாத ஐயரிடம், “நான் உங்களுடைய மாணவனாக இருந்து தமிழைக் கற்றுக் கொள்ளக்கூடிய பாக்கியம் எனக்குக் கிடைக்கவில்லை!“ என்று வருத்தமுடன் கூறினார்.
   அதற்கு டாக்டர் உ.வே. சா., “தில்லையாடியைச் சேர்ந்த கன்னியப்பச் செட்டியார் தங்களுக்கு அருமையாகத் தமிழைக் கற்றுக் கொடுத்திருக்கிறார் என்பதை நான் நன்கு அறிவேன். தங்களின் தமிழ்ப்பற்றும் பேச்சும் அபாரமானது!“ என்றார்.
   உடனே காந்திஜி புன்முறுவலுடன், “இருக்கலாம்! ஆனால் நான் கற்ற தமிழ் கைம்மண் அளவுதானே. கல்லாத தமிழ் உலகளவு உள்ளதே!“ என்று தன்னடக்கத்துடன் கூறினார்.
   தமிழ் மீது காந்திஜி வைத்திருந்த பற்றை எண்ணி, டாக்டர் உ.வே. சாமிநாத ஐயர் மனம் நெகிழ்ந்தார்.

படித்தை இன்று பதிவதில் மகிழும்
அருணா செல்வம்.