Tuesday, 11 March 2014

தலைவலி!!




நெற்றிப் பொட்டின் மத்தியிலும்
   நீண்ட வகிட்டுக் குள்ளேயும்
சுற்றிப் பார்க்கும் கண்களையும்
   சுற்றி வலித்த தலைவலியால்
வற்றிப் போன குளம்போல
   வலியால் மண்டை வெடிக்கிறது!
கற்றைக் குழலைத் தலைதாங்கும்
   கடுக்கும் வலியைத் தாங்கிடுமா?

வலையில் எழுத அமர்ந்தாலும்
   வகையாய் சமைக்கப் போனாலும்
அலையில் பேச நினைத்தாலும்
   அமைதி யாகப் படுத்தாலும்
தலையில் ஏன்தான் இவ்வலியோ
   தனித்து நானே சிந்தித்தேன்
விலையே இல்லா வலைதளத்தில்
   விழாமல் போன வாக்கினாலா?


அருணா செல்வம்.

11.03.2014