Tuesday, 6 January 2015

தேவை!



பள்ளியிலே படிக்கும் போது
பாஸ்மார்க்கு வாங்கும் வரை

கல்லூரியில் சேர்ந்து நடக்க
காதலுடன் கிடைக்கும் வரை

படிப்பிற்கே ஏற்ற வேலை
பகட்டாகக் கிடைக்கும் வரை

குடும்பத்தை நடத்து வதற்கு
குணவதியாய்க் கிடைக்கும் வரை

தேடியேநாம் முயன்று வந்தோம்
தேடலினை அடையும் வரை!

தேவைகள் இல்லை என்றால்
தேடுதலும் தேவை இல்லை!

தேடாமல் கிடைத்தி ருந்தால்
திடமான மதிப்போ இல்லை!

அதனால்...

தேவையென்ற ஒன்றை நாமே
தேடியதைத் தொடர வேண்டும்!

அருணா செல்வம்

06.01.2015