Monday, 24 June 2013

சொற்களுக்கும் போதைவரும்!!





சொற்களுக்கும் போதைவரும்! தேவி உன்றன்
    தேன்சுரக்கும் செவ்வுதட்டில் பிறக்கும் போது!
கற்களுக்கும் காதல்வரும்! கண்ணே உன்றன்
    காற்சலங்கை சந்தமிடும் இசையைக் கேட்டு!
புற்களுக்கும் போட்டிவரும்! பூவே உன்றன்
    பொற்பாதத் துகள்பட்ட பொழுதே! ரோஜா
முட்களுக்கும் ஆசைவரும்! மின்னும் உன்றன்
    முகம்மலர்ந்த பொன்மலரின் அழகைக் கண்டே!

அருணாசெல்வம்.
24.06.2013