சனி, 26 ஏப்ரல், 2014

காவியத் தாயின் இளையமகன்!!





படித்தவனும் வியக்கின்றான்! படிப்பே அற்ற
   பாமரனும் வியக்கின்றான்! பணத்திற் காக
நடித்தவனும் வியக்கின்றான்! பணமே இன்றி
   நலிந்தவனும் வியக்கின்றான்! நிமிர்ந்து நில்லாக்
குடித்தவனும் வியக்கின்றான்! குடும்பப் பெண்ணாய்க்
   குனிந்தவளும் வியக்கின்றாள்! தமிழில் பாக்கள்
வடிப்பவனும் வியக்கின்றான்! இவன்எ ழுத்தை
   வளர்உலகைப் படைத்தவனும் வியக்கின் றானோ!!

கல்லுக்குள் தேரைபோன்று கவிதைக் குள்ளே
   கருத்தாழ உயிரைவைத்தான்! காதல் பொங்கும்
இல்லுக்குள் இனிமைபோன்றே உயிருக் குள்ளே
   இன்னிசையாய் உருகவைத்தான்! தமிழில் உள்ள
சொல்லுக்குள் சுவைபோல நினைத்துப் பார்க்கச்
   சொக்குகின்ற நிலைவைத்தான்! நிலைத்தி ருக்கும்
நல்லுலகம் உள்ளவரை அவனின் பாக்கள்
   நாளெல்லாம் புகழ்பெற்று வளர்ந்தே ஓங்கும்!

கண்ணனுக்குத் தாசனானான்! கவிதைத் தாயின்
   கனிநெஞ்சில் இளையனானான்! இசையின் மன்னன்
பண்ணுக்குப் பொருளானான்! டி.எம். எஸ்சின்
   பாட்டிற்குக் குரலானான்! வினியோ கர்தம்
எண்ணத்தில் பணமானான்! காதல் செய்யும்
   இளையவர்க்கோ இதயமானான்! கவிகள் நெஞ்சில்
வண்ணமிடும் பாவலனின் புகழைச் சொல்ல
   வார்த்தையினைத் தேடுகிறேன் தமிழில் நானே!


அருணா செல்வம்
11.04.2014

(இன்று பிரான்ஸ் கண்ணதாசன் கழக விழாவிற்காக எழுதிய பாடல்.)

22 கருத்துகள்:

பெயரில்லா சொன்னது…

வணக்கம்
அவர் எப்போதும் கவிதையோடு வாழ்ந்து கொண்டுதான் இருக்கிறார்...

-நன்றி-
-அன்புடன்-
-ரூபன்-

கவிஞா் கி. பாரதிதாசன் சொன்னது…

வணக்கம்!

தமிழ்மணம் 2

உயா்கண்ண தாசனை ஓதும் கவிதை
வயல்வண்ணம் காட்டும் வாிந்து!

கவிஞா் கி. பாரதிதாசன்
தலைவா்: கம்பன் கழகம் பிரான்சு

ஸ்ரீராம். சொன்னது…

அருமை. கண்ணதாசனை மறக்க முடியுமா!

கரந்தை ஜெயக்குமார் சொன்னது…

///நல்லுலகம் உள்ளவரை அவனின் பாக்கள்
நாளெல்லாம் புகழ்பெற்று வளர்ந்தே ஓங்கும்!///
உண்மை சகோதரியாரே
கண்ணதாசன் நிரந்தரமானவர், எந்தநிலையிலும் மரணமில்லை
நன்றி சகோதரியாரே

நிகண்டு தமிழ் பதிவர் சமுக வலைத்தளம் சொன்னது…

வணக்கம்,

நிகண்டு.காம்(www.Nikandu.com) தமிழ் பதிவர் சமுக வலைத்தளம்
வழியாக உங்கள் வலைப்பூக்கள், You Tube வீடியோக்கள், புத்தகங்கள் மற்றும் உங்கள் கருத்துகளை மன்றம்(Forum) வழியாக உலகம் முழுவதும் உள்ள தமிழர்களுடன் பகிர்ந்து கொள்ளலாம்.

www.Nikandu.com
நிகண்டு.காம்

திண்டுக்கல் தனபாலன் சொன்னது…

/// நல்லுலகம் உள்ளவரை அவனின் பாக்கள்...
நாளெல்லாம் புகழ்பெற்று வளர்ந்தே ஓங்கும்! ///

உண்மை சகோதரி...

கும்மாச்சி சொன்னது…

கண்ணதாசனை நினைவுகூர்ந்த கவிதை அருமை அருணா. தொடரட்டும் உங்கள் பணி..

வெங்கட் நாகராஜ் சொன்னது…

நல்ல பாடல். வாழ்த்துகள்.

புலவர் இராமாநுசம் சொன்னது…

ஒவ்வொரு வரியும் உயிர்துடிப்புள்ள வரிகள்! அருமை! அருணா!

அருணா செல்வம் சொன்னது…

தங்களின் வருகைக்கும் கருத்திற்கும்
மிக்க நன்றி ரூபன்.

அருணா செல்வம் சொன்னது…

தங்களின் வருகைக்கும் கவிதைக்கும்
மிக்க நன்றி கவிஞர்.

அருணா செல்வம் சொன்னது…

முடியாதுதாங்க.

தங்களின் வருகைக்கும் வாழ்த்திற்கும்
மிக்க நன்றி ஸ்ரீராம் ஐயா.

அருணா செல்வம் சொன்னது…

தங்களின் வருகைக்கும் கருத்திற்கும்
மிக்க நன்றி ஜெயக்குமார் ஐயா.

அருணா செல்வம் சொன்னது…

தகவலுக்கு மிக்க நன்றி.

அருணா செல்வம் சொன்னது…

தங்களின் வருகைக்கும் கருத்திற்கும்
மிக்க நன்றி தனபாலன் அண்ணா.

அருணா செல்வம் சொன்னது…

தங்களின் வருகைக்கும் வாழ்த்திற்கும்
மிக்க நன்றி கும்மாச்சி அண்ணா.

அருணா செல்வம் சொன்னது…

தங்களின் வருகைக்கும் வாழ்த்திற்கும்
மிக்க நன்றி நாகராஜ் ஜி.

அருணா செல்வம் சொன்னது…

தங்களின் வருகைக்கும் வாழ்த்திற்கும்
மிக்க நன்றி புலவர் ஐயா.

Ramani S சொன்னது…

ஒரு கவிதையேனும் இப்படி
எழுதவேண்டும் எனும் உத்வேகம்
தந்து போகும் அற்புதமான கவிதை
பகிர்வுக்கும் தொடரவும் நல்வாழ்த்துகள்

Ramani S சொன்னது…

tha.ma 9

King Raj சொன்னது…

கண்ணதாசனின் கவிதைப்போலவே இதுவும் மிக அருமை.

karthik sekar சொன்னது…

வணக்கம் நண்பர்களே

உங்கள் தகவல் பகிர்வுக்கு மிக்க மகிழ்ச்சி மேலும் உங்கள் வலைதளத்தின் themesசை மாற்றம் செய்ய உடனே என்னுடிய இணையதளத்தை பயன்படுத்தும் மாறு மிகவும் தாழ்மையுடன் கேட்டு கொள்கிறேன் நன்றி இலவசமாகப பிளாக்கர் தீம்ஸ் டவுன்லோட் செய்ய இந்த லிங்கை அழுத்தவும்