எங்கே நன்றி..? (கவிதை)

 நன்றியெனும் சொல்லுக்குப் பொருள்தான் என்ன?

   நாம்வாழ வேண்டுமெனில் நாளும் செய்வார்!

பன்றியெனும் விலங்குக்குக் கீழாய்த் தாழ்ந்து

   பாவமெனும் சேற்றினிலே முழுகி நிற்பார்!

குன்றிமனம் வாடுகின்ற காலம் வாய்க்க,

   கொணர்ந்திட்ட பெரும்சுமையைப் பிரித்துப் பார்க்க,

ஒன்றிமுனம் தெளிந்தவர்க்குத் தெரியும் அன்றே!

   ஓய்வின்றி ஓடுகிறோம்! எங்கே நன்றி?

அருணா செல்வம்.