எனக்கு ஒன்று தான் புரியவில்லை!!

    நண்பர்களே...

    தற்போது நடந்த டெல்லி மற்றும் புதுச்சேரி பெண்களின் வன் புணர்வுகளுக்குப் பல பேர் வருத்தத்துடன் பதிவிட்டிருந்தார்கள்.

       ஆனால் அனைவருமே பெண்கள் தான் ஏதோ தவறு செய்தது போலவும் பெண்கள் இப்படி இப்படி எல்லாம் இருந்ததால் தான் இந்த மாதிரி அவதிக்குள்ளாகிறார்கள் என்றும், தங்கள் தங்களின் கருத்துக்களைச் செல்லிக் கொண்டு வருகிறார்கள்.

    தவிர இனி பெண்களுக்குத் தனி பேருந்து வேண்டும் என்றும், பெண்களுக்குத் தனி கல்வி நிலையங்கள், அதில் வெறும் பெண் ஆசிரியர்கள் மட்டும் இருந்தால் இக்கொடுமைகள் தடுக்கப்படும் என்றும் கோரிக்கைக்கள் வைக்கப்படுகிறது.

   தவிர பெண்கள் முழுவதுமாகத் தன்னை மூடிக்கொள்ள வேண்டும் என்றும் எங்கேயும் தனியாகப் போக்க்கூடாது என்றும் கட்டாயமாக்கப் படுகிறதாம்.

   இவை அனைத்துமே நல்ல செயல்கள் தான்!!

   ஆனால்....

   இவ்வளவு நல்ல விசயங்களைப்(?) பெண்களுக்கு மட்டும் சொல்லித்தரும் நம் சமூகம் ஏன் ஆண்பிள்ளைகளுக்கு நல்ல வழிமுறைகளைச் சொல்லித்தர முன்வரவில்லை.

   இன்று தவறு செய்த அந்த ஆண்பிள்ளைகள் வேறு நாட்டவரா...? அவர்களும் நம் குடிமக்கள் தானே...

   பெண்கள் இப்படி இப்படி தான் இருக்க வேண்டும் என்று பெண்களுக்கு மட்டும் தான் அறிவுரை சொல்ல வேண்டுமா...?

   இப்படிச் சொல்வதால் ஆண்பிள்ளைகள் எப்படி வேண்டுமானாலும் இருக்கலாம் என்று மறைமுகமாகச் சொல்லித் தருவது போல் இல்லையா?

   அறிவார்ந்த சான்றோர்களே.... ஆண் பிள்ளைகளுக்கு நல்ல வழி முறைகளைச் சொல்லிக் கொடுத்து அவர்களை முதலில் திருத்துங்கள்.

நட்புடன்

அருணா செல்வம்.