உன்னால் வாழ்வேன்!!

தாங்கிடவே முடியாமல் தவித்தேன்! கால்கள்

    தாம்சோர்ந்து தள்ளாடி வீழ்ந்தேன்! நெஞ்சம்

தூங்கிடவே முடியாமல் கிடந்தேன்! நாளும்

    துயர்கடலில் சிறுதுரும்பாய் அலைந்தேன்! என்னுள்

நீங்கிடவே முடியாமல் நிலைத்து நின்று

    நினைவெல்லாம் மயக்குகின்ற பெண்ணே! என்றும்

ஏங்கிடவே முடியாமல் எனைக் கவர்ந்தே

    எந்நொடியும் உன்னுள்ளே வைத்தால் வாழ்வேன்!!

அருணா செல்வம்

26.06.2013