செங்கழுநீர்
அம்மா, செழிக்கின்ற வாழ்வினை
எங்களுக்குத்
தந்தருள் என்னாளும்! – மங்கையர்
குங்குமத்தின்
உள்ளே குடிகொண்ட தேவியே!
பொங்கல்
படைப்போம் புகழ்ந்து!
வேப்பிள்ளை
ஆடை விரும்பிடும் வித்தகியே!
கூப்பிட
வந்தருளும் கோமதியே! – காப்பாய்!
வருத்திடும்
அம்மை வடிந்தோடச் செய்யும்
மருந்தைக்
கொடுத்ததுன் மாண்பு!
அலைதொடரும்
வாழ்வும் அடங்காத் துயரும்
நிலையிலா
வேலை நிலத்தில்! – தலைமகள்
உன்முகம்
கண்டால் உயர்ந்தோங்கும் வாழ்வு!நல்
பொன்னென
மின்னும் பொலிந்து!
தளிர்இலைப்
பந்தலிட்டுத் தண்ணீர் தருவார்!
குளிர்மோர்
கஞ்சியுடன் கூழும் - அளிப்போர்க்குச்
செங்கேண்
அம்மா சிறப்பெலாம் தந்திடுவாள்
அங்கம்
குளிர அறிந்து!
ஆடிவரும்
தேரில் அமர்ந்து மகிழ்பவள்!
கோடி
நலத்துச்செங் கேணியவள்! – தேடியே
ஓடிவந்து
காப்பாள்! உளமொன்றித் தாய்பாதம்
கூடிடும்
நெஞ்சம் குளிர்ந்து!
(கட்டளை
வெண்பா)
கவிஞர்
அருணா செல்வம்
22.07.2016
