துன்பம் என்று வந்தாலும்
துணிந்து நகர்த்தி வைத்துவிட்டு
இன்பம் மட்டும் இருப்பதைப்போல்
இயன்ற அளவு நடித்திடலாம்!
அன்பால் அரும்பும் கண்ணீரை
அடக்கி விடவும் முடிந்திடுமா?
அன்பின் எல்லை இதுவன்றோ!
அகிலம் இதற்கு தூசியன்றோ!
இனத்தை இணைக்கும் அன்பற்றோர்
இருக்கும் அனைத்துப் பொருளினையும்
தனக்கே என்றே வைத்திடுவார்!
தன்னுள் அன்பை வைத்தவரோ
தனக்கே உரிய எலும்பினையும்
தஞ்சம் என்று வந்தவர்க்கு
உனக்கே என்று கொடுத்திடுவார்!
உலகில் அவர்தாம் உயர்ந்தவரே!
பார மான வாழ்க்கையென்று
பாச மற்றோர் நினைப்பாரே!
ஈரம் நெஞ்சில் காய்ந்நிருக்க
இன்பம் அங்கே விளைந்திடுமா?
ஓரம் ஒடுங்கும் கோழையரும்
ஒருவர் மேலே அன்புவைத்தால்
வீர தீர செயல்செய்து
வியக்கும் வெற்றி பெறுவாரே!
(அன்பு தொடரும்)
